Piše: Janko Vujović

 

 

Dobar dan.

Moje ime je Stanoje Cvetković i na Birou sam već 3 godine. Umjesto standardnog “Bravo Stanoje”, čulo se samo po koji uzdisaj i uzdah nezadovoljstva i pogledi prijekora. Jedan stariji gospodin, inače radi u državnoj firmi, reče: “Ej ,kakva ste vi “umladina” , mi bi prije uzeli da radimo, da kopamo, pa da zaradimo za bioskopa, a gledaj vas, samo pijete kafe, igrate kladionicu i ser*** kako Mihajlović pojma nema. A vi? Gdje je vaša generacija, poješće vas tranzicija sve odreda.”

Gledam i mislim se u sebi: “Otišla je ta jama koja se kopa u tri pi*** materine i taj vaš bioskop i sve te vaše… otišle su u tri pi*** materine. Mani me tog standardnog klišea”.

“Ej mi smo”.

“Vi ste! Sve ste vi, vi ste stigli da pravite pruge, da pijete na koncertima Bijelog dugmeta, da spavate po parkovima, vjerujući u “tadašnju” policiju kako vam niko ništa neće ukrasti, tj. ne smije da vam ukrade. Da idete na mora raznorazna, da “se družite sa strankinjama” i da svima vama bude fino.”
Tada me pogleda i reče: “Slušaj, balavac, mogu otac da ti budem, ti si naš`o sr*** da mi pričaš, ti ćeš nekom držati predavanja. Ti i tvoja generacija ima da uništite ovu zemlju. Umjesto da radite, da zarađujete, da ne budete na roditeljskoj grbači, vi samo kenj*** i serendate. Ništa ne radite, samo se drogirate, gledate kako ćete što više kafa popiti, a sve više lijenčareći, gledate da život prolazi kraj vas, rugajući vam se. Postali ste “djeca u vremenu”, sve se mjenja, samo vi nikada. U moje vrijeme …”

“Ma, se*** se više ja u to tvoje vrijeme. Tvoje vrijeme, pa tvoje vrijeme. K`o da si Tutankamon, pa prisvajaš dekade vremena. Kao da smo svi mi krivi, a vi ste eto pogodili. Vaše vrijeme? Vaše pa vaše?! Ima li išta da nije vaše i da niste uporedili?! Živili ste 15 godina da valja od tog vašeg vremena, pa šta? Šta bi? Gdje se izgubi to vaše vrijeme! Nije valjda da smo svi mi krivi zbog “sadašnjeg vremena”?

‘Ajde, molim te. Šta bi sa prošlim ratom? Ko njega započe? Mi, ovakvi kakvi smo? Jesmo li mi možda krivi za pad VAŠEG vremena? Jesmo li mi krivi što ste VI stvorili riječi TENDER I PRIVATIZACIJA? Jesmo li MI krivi što ste VI od lopova napravili čovjeka koji se “snaš`o”,  jesmo li i mi krivi za to? Nego me mani te tvoje priče  “Vi i vaše vrijeme”. E, i da ti kažem za to što tu prduckaš kako niko neće da radi kod privatnika i da bi svi mi u državne firme.

Znaš, da se razumijemo nisi ni ti u toj tvojoj firmi zaslužan što pada kiša niti ti okrećeš turbine, znaš… Valjda ima neko pravo na san, nije valjda i to VAŠE. A da, jeste …zaje*** se. I nemoj da se ljutiš, ti ćeš otići – a mi ??? Mi samo ne vidimo sve prednosti naše tragikomične situacije. I nemoj ti meni šta zamjeriti. Novo doba dolazi, a staro ostaje. Vaše je bilo, a naše? Naše ostaje da “pušamo” Piterboro iz 2 u 1 dok god ne dođe. Pa valjda ćemo i mi nekad nekog vaspitavati, ali bez toga “u moje vrijeme”.

Ali od sudbine se ne može pobjeći, sudbina će pobjeći od nas.